Се накити подводната елка во Охридското Езеро

Со традиција подолга од 20 години, нуркачите на Нуркачкиот центар „Амфора“, во соработка со здружението за ретки болести и со поддршка на волонтерите на Црвениот крст од Охрид, ја поставија и ја накитија новогодишната елка под вода кај Заливот на Коските – Музеј на вода, симболично одбележувајќи ги новогодишните и божиќните празници.

– Оваа празнична акција е посветена на децата со ретки болести, малите херои кои нè учат на сила, надеж и љубов секој ден. Нека празничниот дух стигне до секое срце и донесе здравје, топлина и поддршка таму каде што е најпотребна –  порачаа од Нуркачкиот центар „Амфора“.