Се крчка нова мегаразмена – Јокиќ и Дончиќ ќе станат соиграчи?!

Лука Дончиќ и Леброн Џејмс, очигледно, не се „мирисаат“ премногу на теренот, па сè повеќе се шпекулира за евентуално заминување на еден од нив.

„Езерџиите“, во неочекувана размена на играчи минатата сезона, со тимот на Далас, формираа силен тандем со Леброн Џејмс, но не покажаа карактер на шампиони, па сè почесто се шпекулира за евентуално заминување.

Би можела да се случи неочекувана размена и по оваа сезона, во која Дончиќ и Никола Јокиќ би можеле да станат соиграчи. Ова е она што го објавуваат американските медиуми, најавувајќи дека зделката би можела да оди во два правца, што значи дека Леброн Џејмс би можел да се пресели во Денвер за Никола Јокиќ, кој, пак, би можел да заврши во Лос Анџелес.

Лука Дончиќ остави силен впечаток веднаш по своето пристигнување во НБА, освојувајќи ја наградата за најдобар дебитант на годината во дресот на Далас маверикс. По неколку импресивни сезони водејќи ја франшизата од Тексас, словенечкиот кошаркар стана дел од голема размена во која Ентони Дејвис се пресели во Далас, а Дончиќ пристигна во Лејкерс.

Наводно, ситуацијата таму се комплицира. Се појави информација дека лидерот на тимот, Леброн Џејмс, не сака да игра со Дончиќ и дека тој не е единствениот во клубот што мисли така. Џејмс има договор само за следната сезона.

Дончиќ е 14 години помлад од суперѕвездата на тимот околу кого Лејкерс би можел да ја гради својата иднина. И, според американските медиуми, тоа би можело да го вклучи и Никола Јокиќ.

Јокиќ и Дончиќ се многу блиски, истакнуваат упатените и американските медиуми, наведувајќи дека доколку Денвер заклучи дека постои можност Јокиќ да не го продолжи договорот, би можел да склучи договор со Лејкерс и да добие голем број млади играчи и драфт-пикови од него.

Дончиќ минатата сезона имаше просек од 28,2 поени, 8,2 скока и 7,7 асистенции на натпревар. Сезоната на Јокиќ беше уште поспектакуларна. Тој заврши со 29,6 поени, 12,7 скока и 10,2 асистенции на натпревар, завршувајќи втор, зад Шеи Гилџус-Александар од Оклахома, во гласањето за најкорисен играч на НБА.