Се докажа дека тениските терени се прават во корист на Алакараз и на Синер

Светскиот тениски рекет број еден Шпанецот, Карлос Алкараз, е елиминиран на почетокот од Мастерсот во Париз. Тој го прескокна првото коло, а во второто загуби од Британецот Камерон Нори по одлична борба во три сета што траеше речиси два и пол часа со 4:6, 6:3, 6:4.

Познато е дека вакви незгоди му се случуваат многу почесто на Алкараз отколку на Синер, но ова е само уште еден придонес кон тезата дека Шпанецот има проблеми на побавни подлоги. Поранешниот тенисер Роже Федерер веќе ја изрази теоријата дека „големите турнири се наместени“ за Алкараз и за Синер со правење екстремно брзи терени, а штом играат на многу побавен во Париз, се појавуваат проблеми. Алкараз тврдеше дека тоа воопшто не е вистина, но брзо го негираше.

„Да, теренот е многу побавен, но ми се допаѓа. Добра брзина е за мене, секогаш сум велел дека сакам побавни подлоги на терените“, рече Алкараз, а за време на натпреварот извика: „Ова е земја, па ова е полошо од Монте Карло“.

Излезе дека морал да си го гризне јазикот, во обид да се одбрани, самиот, но и помалку да го одбрани својот голем ривал  – Јаник Синер.

Карлос Алкараз беше крајно разочаран по поразот од Нори, по што кажа: „Имав многу тренинг тука, се чувствував одлично, неверојатно, се движев добро на теренот, ја удирав топката. Сè ми беше јасно – и идеите и целите. Но, денес, дури и во првиот сет што го добив, чувствував дека можам да направам многу повеќе отколку што покажав. Потоа се обидов да бидам подобар во вториот сет, но се случи сосема спротивното“, рече Алкараз и додаде дека тогаш се чувствувал „уште полошо“.

Му честиташе на Камерон Нори за победата и рече дека не знае како ќе закрепне за последните турнири во календарската година што е пред него.

„Ќе се обидам да се подготвам што е можно подобро, за Торино и Дејвис купот – тоа се многу важни турнири за мене што доаѓаат. Во моментов само сакам да се вратам дома, па ќе видиме што ќе правам. Но, секако, ќе тренирам и ќе се подготвам и ќе се обидам да не дозволам нешто вакво да се случи повторно“, рече тој.

Дали Федерер беше во право?

Швајцарскиот тенисер Роже Федерер, еден од најуспешните во историјата, беше првиот што се осмели да каже дека турнирите свесно се играат според услови што им одговараат на Синер и Алкараз за да ги има во финалето. Тоа автоматски би значело повеќе пари за нив од продажба на билети.

„Разбирам дека директорите на турнирот, врз основа на нивните упатства, се обидуваат да ги направат терените побавни. Ова им наметнува потреба на тенисерите да погодуваат неверојатни ’победнички топки’ за да го победат Синер. Ако теренот беше брз, тогаш ќе им требаа само неколку добро поставени удари за да победат“, изјави Федерер за италијанскиот весник „Кориере дела сера“, а потоа додаде логично објаснување: „Директорите на турнирот се водат од логиката: ’Подобро би ги имал Синер и Алкараз во финалето, разбираш?’ На некој начин, тоа му користи на тенисот“.