Oд Град Скопје информираат дека континуирано се врши темелно чистење на кејот на реката Вардар, заедно со нејзиното корито.
– Екипите на јавните претпријатија, во координирана и организирана акција, ги расчистуваат пешачките и велосипедските патеки, сето она што беше занемарувано со години и што создаваше слика што не му прилега на нашиот град, конечно станува дел од минатото. Ова одржување ќе биде трајна практика. Кејот ќе се чисти секојдневно, бидејќи скопјани и сите гости на нашиот град заслужуваат убава, уредена и чиста метропола – истакна градоначалникот на Град Скопје, Орце Ѓорѓиевски.
