Саудиските клубови подготвуваат спектауларен преоден рок, на четири ѕвезди ќе им биде понудено вистинско богатство!

Откако во претходните сезони доведоа голем број светски ѕвезди, Саудијците немаат намера тука да застанат. Напротив, ова лето сакаат да одат чекор понатаму и директно да ја нападнат самата елита на европскиот фудбал.

Меѓу главните цели е Мохамед Салах, еден од симболите на Ливерпул и играч кој со години доминира во Премиер лигата. Неговата евентуална преселба би бил еден од најголемите трансфери во историјата на саудискиот фудбал.

На листата на желби е и Бруно Фернандеш, капитенот на Манчестер Јунајтед и еден од највлијателните играчи кога е во прашање средниот ред. Неговото доаѓање би значело дополнителен чекор напред во зајакнувањето на квалитетот на саудиската лига.
Името на Винисиус Жуниор, ѕвездата на Реал (М) и еден од најексплозивните крилни играчи во светот, привлекува особено внимание. Обидот да се доведе Бразилецот би бил јасен сигнал дека саудиските клубови се насочени кон самиот врв на светскиот фудбал.

На листата е и Роберт Левандовски, еден од најдобрите напаѓачи на својата генерација, кој продолжува да постигнува голови за Барселона дури и во подоцнежните години.

Според достапните информации, по завршувањето на Светското првенство се очекуваат конкретни трансфери и официјални понуди. Саудиските клубови сакаат внимателно да ги темпираат своите трансфери и да го искористат моментот на најдобар можен начин.

Финансискиот дел од приказната, како што е наведено, нема да биде проблем. Платите, бонусите и договорите што се на располагање далеку ги надминуваат она што повеќето европски клубови можат да го понудат.

Сепак, останува прашањето колку се подготвени овие ѕвезди да го напуштат европскиот врв и да го прифатат предизвикот да играат на Блискиот Исток.
Во последните години, Саудиската професионална лига интензивно гради имиџ на сериозен проект, со јасна државна поддршка и долгорочна стратегија за развој на фудбалот.

Доаѓањето на нови големи имиња дополнително би го подигнало нивото на натпреварување, но и глобалната видливост на лигата, која сè повеќе ги полни насловните страници во светските медиуми.
Критичарите истакнуваат дека со пари не може да се купи традиција, но Саудијците одговараат со проект, инфраструктура и амбиции што одат подалеку од краткорочните цели.

Едно е сигурно – ако барем едно од овие имиња се појави во Саудиска Арабија, летниот преоден рок би можел да влезе во историјата како еден од најшокантните досега.