Саудиска Арабија егзекутираше осум осуденици за еден ден, објавија медиумите денес. Официјалната Саудиска новинска агенција (SPA) соопшти дека седум од мажите, четворица Сомалијци и тројца Етиопјани, биле егзекутирани за трговија со дрога, пренесе „Бета“.
Еден Саудиец бил егзекутиран за убиство на неговата мајка.
Од почетокот на 2025 година, Саудиска Арабија егзекутирала 230 лица, од кои 154 за пресуди поврзани со дрога, според податоците објавени од АФП врз основа на официјални изјави.
