Ново истражување покажа дека 28 од најнаселените градови во САД, вклучувајќи ги Њујорк, Чикаго, Далас и Денвер, тонат помеѓу два и 10 милиметри годишно.
Користејќи сателитски радарски мерења, тим истражувачи од Политехничкиот институт во Вирџинија и Државниот универзитет развија мапи со висока резолуција кои покажуваат слегнување на земјата во поголемите американски градови. Во секој од 28-те проучувани градови потонале најмалку 20 отсто од градот, а во 25 градови потонале најмалку 65 отсто.
Градовите во Тексас покажуваат највисоки стапки на слегнување, а Хјустон е водечки.Таму околу 40 отсто од градот тоне повеќе од пет милиметри годишно, додека 12 отсто од градот тоне 10 милиметри секоја година.
Слегнувањето на земјиштето не е невообичаено ширум светот, бидејќи многу области се намалуваат поради природните геолошки процеси, меѓутоа, тим од Вирџинија Техзаклучи дека 80 отсто од слегнувањето на градовите во САД е предизвикано од отстранување на подземните води за човечка употреба. Како што растат градовите, овој проблем може да се влоши.
И додека слегнувањето на земјиштето претставува ризик за крајбрежните градови, кои се исто така загрозени од зголемувањето на нивото на морето влошено од климатските промени предизвикани од човекот, тоа исто така им се заканува на градовите во внатрешноста на земјата со тоа што ги прави посклони кон поплави. Покрај тоа, нерамномерното слегнување на земјата во градот може да ги дестабилизира зградите и инфраструктурата.
Иако не можеме целосно да го запреме слегнувањето на земјиштето во урбаните средини, може да се работи на негово ублажување.
Според истражувањето, потенцијалните чекори што треба да се преземат вклучуваат подобрување на следењето на слегнувањето на почвата, промени во политиките за управување со подземните води и планирање на отпорност на инфраструктурата.
Истражувањето беше објавено на 8 мај во списанието „Nature Cities“.
