Саша Ѓорѓевиќ: „Се срамам од бездушната, разорна нечовечност што произлегува од темнината на „Ќациленд“

Александар Ѓорѓевиќ, легендата на српската и југословенска кошарка и поранешен селектор на Србија, проговори за „Ќациленд“, шаторската населба основана од поддржувачи на српскиот претседател Александар Вучиќ.

Шокантните сцени што го обиколија светот во последните денови, во кои поддржувачите на Вучиќ, меѓу другото, ја пееја песната „Пошла мајка сина да потражи“, во моментот кога Дијана Хрка, мајката на Стефан Хрка, млад човек кој почина при уривање на натстрешницата во Нови Сад, започна штрајк со глад, никого не остави рамнодушен.

После, меѓу другите, Новак Ѓоковиќ, Богдан Богдановиќ и бројни други спортисти, се огласи и Ѓорѓевиќ, со многу силна порака:

„Порано бев безрезервно горд на мојата земја, горд и надмен во одбраната на нејзините бои, вредности и историја… Сега се срамам од бездушната, разорна нечовечност што произлегува од темнината на Ќациленд“, напиша Ѓорѓевиќ.

Тој сподели и фотографија со порака:

„Болката на мајката не смее да биде предмет на потсмев. Нема оправдување, нема „друг агол“. Постои само човечност – или нејзино отсуство“.

Nekad sam se bezrezervno dicio svojom zemljom,ponosan i gord u odbrani njenih boja,vrednosti,istorije…sada me je sramota bezosecajne,porazavajuce neljudskosti koja izbija iz tame cacilenda pic.twitter.com/ctPIuPll8s

— Aleksandar Djordjevic (@CoachDjordjevic) November 5, 2025