Саркози оди во затвор од следната недела

Поранешниот француски претседател Никола Саркози ќе почне да ја отслужува петгодишната затворска казна во Париз следната недела, откако беше осуден за кривично дело заговор за собирање средства за неговата изборна кампања во 2007 година во Либија, објави денес телевизијата RTL.

Во извештајот се вели дека Саркози ќе биде испратен во парискиот затвор Санте на 21 октомври, објави Ројтерс. Канцеларијата на парискиот финансиски обвинител соопшти дека не може ниту да ја потврди ниту да ја негира информацијата од RTL.

При изрекувањето пресуда за Саркози, судиите рекоа дека нивната пресуда ја зема предвид „исклучителната сериозност“ на случајот.

Саркози, кој отсекогаш тврдел дека е невин, беше прогласен за виновен за кривично дело заговор поради напорите на неговите блиски соработници да соберат средства за неговата претседателска кандидатура во 2007 година од Либија, за време на владеењето на покојниот лидер на земјата, Моамер Гадафи.