ЈП за државни патишта го санира мостот над реката Вардар (кај селото Здуње) на државниот пат А2, делница Гостивар – Стража.
– Состојбата со 50-метарскиот мост од поодамна наложува негова итна санација заради негово зацврстување и зголемување на безбедноста. Мостот е широк 8 метри во коловоз и 1,20 метри во тротоари и проектот предвидува да биде комплетно саниран. Досега се завршени половина од градежните активности – вели директорот на ЈПДП, Коце Трајановски.
Во моментов се работи на левата страна на мостот, во правец од Гостивар кон Стража, при што се работи на долниот „строј“ на мостот, се санира левиот главен носач, се бетонираат дел од секундарните носачи и се санира горната бетонска плоча на мостот, по што ќе следува нанесување нов слој асфалт.
– По левата страна, ќе се продолжи со активности на десната страна и додека траат активностите, има времен режим на сообраќај, за што апелирам за внимателно следење на сообраќајната сигнализација, како и за трпение – вели Трајановски.
