Гувернерот на Хаваи, Џош Грин, на прес-конференција изјави дека нема поголеми последици од цунамито во неговата федерална држава. И покрај ова, тој предупредува дека властите забележале значително повлекување на водата, што е типичен знак за приближување на цунами.
Измерен е бран од 1,82 метри кој се движи кон Хаваи. „Сè уште не сме виделе никаква бранова активност што минува покрај Големиот Остров. Тоа е важно. Додека не видиме што се случува на Големиот Остров, нема да бидеме во позиција да почнеме да кажуваме колку сме безбедни“, рече Грин.
Тој изјави дека сè ќе биде познато за два до три часа. „Само останете дома вечерва и гледајте телевизија, ве молам“, ги повика тој граѓаните, барајќи од нив да се држат подалеку од патиштата.
🚨🌊 ¡Evacuación masiva!
Habitantes de Honolulu evacúan a toda prisa tras la alerta de #tsunami provocada por el poderoso sismo de 8.8 en Rusia.
📌 Es el terremoto más fuerte desde 2011, cuando un tsunami arrasó Japón.
#Hawái
📰#SicomNoticias pic.twitter.com/4Pleyh5ZfW— Puebla Noticias en Sicom (@SicomNoticias_) July 30, 2025
Доколку се најдат на патиштата, Грин предупреди дека мора да се осигурат дека се на 30 метри надморска височина или три километри од брегот „за секој случај“.
И покрај претежно оптимистичката порака на гувернерот, тој повтори дека повлекувањето на водата на некои места е загрижувачко. „Тоа не се случува без причина. Тоа значи дека има активност во океанот. Стискаме палци да не претрпиме големо цунами.“
🚨 JUST IN: “So far we have NOT seen a wave of consequence,” Hawaii Gov. Josh Green says
Praise God! 🙏🏻
Tsunami Warning is STILL in effect though, as waves are incoming
This is expected to last another 3-4 hours pic.twitter.com/xep1BIupK0
— Nick Sortor (@nicksortor) July 30, 2025
Агенцијата за управување со вонредни состојби на Хаваи (ЕМА) соопшти дека сите комерцијални морски пристаништа се затворени.
