САД пресретнаа трет танкер во водите близу Венецуела

САД пресретнаа уште еден брод во меѓународни води покрај брегот на Венецуела, што е втора таква операција овој викенд. Двајца американски претставници ја потврдија информацијата денес, објави Ројтерс.

Овој потег дојде само неколку дена откако американскиот претседател Доналд Трамп објави зголемени мерки, кои ги опиша како „тотална блокада“, против сите санкционирани танкери за нафта што пловат кон или од Венецуела.

Службениците, кои зборуваа под услов на анонимност, не го открија точниот брод за кој станува збор, ниту точната локација каде што се случило пресретнувањето.