Арина Сабаленка е новата-стара кралица на Њујорк. Белорусинката ја одбрани титулата на Отвореното првенство на САД синоќа откако ја победи Американката Аманда Анисимова со 6:3, 7:6. Тaa сега има четири освоени Гренд слем титули во кариерата (по две на Отвореното првенство на САД и на Отвореното првенство на Австралија).
Сабаленка стана првата тенисерка по Серена Вилијамс во 2014 година што ја одбрани титулата на Флашинг Медоус. Таа ја освои својата 21-ва титула во кариерата, нејзина четврта оваа година (Бризбејн, Мајами и Мадрид). Таа исто така го доби најголемиот шампионски чек во историјата – на 5.000.000 долари.
Овогодинешното издание на турнирот има најголем награден фонд во историјата на професионалниот тенис. Победниците во машка и женска конкуренција поединечно ќе заработат по 5 милиони долари. Вкупниот награден фонд е дури 90 милиони долари.
ИЗДВОЕНИ
Пуштена нова делница од автопатот Кичево – Охрид
Во пожарот во „Макпрогрес“ повредени се 18 лица, дел се задржани во болницата во Кочани, шестмина се препратени во Скопје
Чудото на медицината доаѓа од Русија! Вакцина против рак е подготвена за употреба
Пожарот во „Винчини“ е под контрола, повредени се неколку пожарникари откако чизмите им останале во стопениот шеќер
