Српскиот тенисер Новак Ѓоковиќ се подготвува за претстојниот грен – слем Вимблдон, а неделава спарингуваше со Белорусинката Арина Сабаленка. Белорусинката ја сподели оваа информација на својот Инстаграм профил, заедно со заедничка фотографија од Ѓоковиќ.
„Добро удирање со шампионот. Ви благодарам“, напиша Сабаленка.
Претходно Ѓоковиќ тренираше со Гркот Стефанос Циципас, кој се пошегува со Србинот на социјалните мрежи, по написите дека наскоро ќе се пресели во Атина.
Вимблдон започнува на 30 јуни, а Новак ќе одигра егзибициски натпревар пред почетокот на третиот грен слем во сезоната, додека ждрепката за главниот турнир е закажана за денеска од 10:00 часот.
Одамна е познато дека Србинот и Белорусинката се во одлични односи, а особено го привлекоа вниманието на јавноста со меѓусебни „имитации“ на социјалните мрежи за време на неодамна одржаниот Ролан Гарос.
Ѓоковиќ е седумкратен шампион на Вимблдон, а претходните две години стигна до финалето, но истот толку пати беше поразен од Шпанецот Карлос Алкараз.
Сабаленка, трикратен шампион на грен слем турнирите, никогаш не го освоил Вимблдон, а стигна до полуфиналето во 2021 и 2023 година.
