Руската служба за надворешно разузнавање -СВР, објави дека протестите во Србија во голема мера се поврзани со субверзивните активности на Европската Унија чија цел е да донесе на власт во оваа земја, како што наведува, „раководство лојално на Брисел“.
Европската Унија го подготвува „српскиот Мајдан“… Според информациите добиени од Руската служба за надворешно разузнавање, сегашните немири во Србија со активно учество на млади луѓе се во многу погледи производ на субверзивните активности на Европската Унија и нејзините земји членки“, се наведува во соопштението што денес го пренесоа новинските агенции.
СВР наведува дека „целта на европскиот либерален мејнстрим е да донесе на власт во оваа најголема балканска земја раководство кое е послушно и лојално на Брисел“.
Терминот „Мајдан“ во Украина се користи за да се опишат масовните демонстрации во таа земја, кои започнаа на 21 ноември 2013 година, откако тамошната влада, која беше избрана по парламентарните избори во 2012 година, одби да потпише договор за поблиска интеграција на Украина со Европската Унија.
ИЗДВОЕНИ
ГЛАСАЊЕТО НА ЛОКАЛНИТЕ ИЗБОРИ ЌЕ БИДЕ ОСОБЕН ПРЕДИЗВИК: Скопјани ќе бираат советници на гласачко ливче долго еден метар?!
ЗАГРОЗЕНА ЛИ Е БЕЗБЕДНОСТА ВО ДРЖАВАТА СО ПОЖАРИТЕ ВО „ВАРДАРИШТЕ“, „ДРИСЛА“ И ТРУБАРЕВО?: Одговорот за хибридна војна го имаат потпалувачите
Патувањето преку „Јасен“ да се скуси за два и пол пати, остана пуста желба на Поречани
Државата нема начин како да го намали јазот меѓу платите
