Руски новинарка загина во експлозија на нагазна мина на боиштето во Украина

Новинарката на руската државна телевизија и воен дописник Ана Прокофјева загина во експлозија на нагазна мина во руската област Белгород, во близина на границата со Украина. Снимателот Дмитриј Волков, кој бил со неа е тешко повреден, објави во средата државната телевизија Канал 1.

„Воениот дописник на Канал 1, Ана Прокофиева, го загуби животот додека ја вршеше својата професионална должност“, се вели во соопштението на мрежата. Екипата на „Канал 1“ наиде на непријателска мина“.

“Воїнкор” Першого аналу Анна Прокоф’єва здохла у Білгородській області pic.twitter.com/flgnwKWYxZ

— Team of Zina Portnova (@Zn_Portnova) March 26, 2025

Прокофиева, која имаше 35 години, известуваше за војната во Украина за Канал 1 од 2023 година. Нејзината последна објава на апликацијата Телеграм, објавена во вторник, покажува дека таа седи во шума, облечена во воена униформа, со камера закачена на кацигата.

Неколку руски новинари се убиени за време на војната во Украина, меѓу кои и воениот дописник на весникот „Известија“, кој загина во понеделникот во регионот Харков во Украина.

Според Меѓународната федерација на новинари, најмалку 21 новинар ги загубиле животите од почетокот на руската целосна инвазија на Украина во февруари 2022 година.