Русија изврши масовен напад со беспилотни летала врз Украина, во близина на романската граница, преку ноќ, што ги натера романските власти да прогласат тревога во северниот дел од округот Тулча, предупредувајќи за можни предмети што паѓаат од воздушниот простор.
Романските воздухопловни сили испратија два ловци Ф-16. Воздушната тревога траеше околу 90 минути.
Романското Министерство за одбрана (MApN) потврди: „Во ноќта помеѓу 5 и 6 август, руските сили извршија масовен напад со беспилотни летала врз цивилната инфраструктура во украинскиот регион Измаил, во близина на границата со Романија. Радарот на Министерството за одбрана откри воздушни цели во украинскиот воздушен простор, во близина на округот Тулча. Во 01:10 часот, населението на северниот дел од округот беше предупредено преку порака RO-Alert“.
Во соопштението се додава дека романските авиони Ф-16 биле полетале за да го следат националниот воздушен простор, но не е регистриран неовластен влез на романска територија. Министерството, исто така, објави дека ќе спроведе дополнителни проверки на терен и дека сојузниците на НАТО биле информирани во реално време.
