Најмалку четири лица беа убиени во вторник во напад на руски дрон врз патнички воз во регионот Харков во источна Украина, изјави претседателот Володимир Зеленски.
Четири лица сè уште се водат како исчезнати, а две се повредени, објави Зеленски на платформата X.
„Во која било земја, напад со дрон врз патнички воз би се сметал за терористички чин. Нема воено оправдување за убивање цивили во вагон“, напиша тој.
Зеленски повика на поголем меѓународен притисок врз Русија и побара таа да биде казнета за своите постапки.
Според Зеленски, во возот имало повеќе од 200 патници. Претходно, министерот за развој Олексиј Кулеба изјави дека имало 291 патник, додека канцеларијата на регионалниот обвинител изјави дека имало повеќе од 155.
Кулеба рече дека руските сили го нападнале возот со три дронови „Шахид“ кои го предизвикале пожарот. 291 патник биле евакуирани во возот што се движел на рутата Барвинково-Лавов кон запад.
