Украинскиот претседател Володимир Зеленски изјави дека врз основа на прелиминарните податоци, за време на друг напад врз Харков, Русите употребиле две ракети кои погодиле станбена зграда, а началникот на регионалната воена администрација, Олег Синегубов, објави дека 13 лица се повредени, пренесоа странските агенции.
„Ужасен руски напад врз Харков со две ракети врз станбена зграда. Една од зградите е значително оштетена. Спасувачките операции се во тек и се вклучени сите потребни служби. Точниот број на жртви сè уште не е познат. Службите за итни случаи, Државната служба за итни случаи на Украина, градските и регионалните власти на регионот Харков ќе дадат ажурирани информации“, напиша Зеленски на „Телеграм“, пренесува „Укринформ“.
Според него, токму така Русите се однесуваат кон животот и луѓето – тие продолжуваат да убиваат, и покрај сите напори на светот, а особено на САД, во дипломатскиот процес.
Зеленски нагласи дека само Русија не сака оваа војна да заврши и прави сè секој ден за да продолжи.
ИЗДВОЕНИ
Градилиштата опасни за минувачите – оградите веднаш до улица, тротоар, па и паркинг
Ќе се повтори ли битолското сценарио и по поплавите, кои оставија под вода цели населби: Штетите во илјадници евра, обесштетувањата ситнеж
Владиниот авион натоварен со сомнежи, кој колку летал во облаци?!
Македонски пасош или европски трансфер: драма во Вардар поради Хориха
