Руските спортисти на Зимските олимписки игри Милано – Кортина (ЗОИ), нема да можат да ја претставуваат својата земја дури и ако се постигне мировен договор со Украина, изјави претседателката на Меѓународниот олимписки комитет (ИОК), Кирсти Ковентри, во интервју за италијански весник.
- Ништо во оваа фаза нема да ја промени одлуката на комитетот дека на руските спортисти на февруарските игри може да им биде дозволено да се натпреваруваат само како поединци кои дејствуваат во свое име, изјави Ковентри во интервју за „Кориере дела сера“.
ИОК им забрани на Русија и на Белорусија да учествуваат откако Москва започна целосна инвазија на Украина во февруари 2022 година, а ИОК одлучи во септември дека Русите и Белорусите што се натпреваруваат во Милано и Кортина ќе се натпреваруваат како индивидуални спортисти, без национално знаме или химна.
Зимските олимписки игри Милано – Кортина се одржуваат од 6 до 22 февруари.
