Чешкиот претседател Петр Павел вчера во Прага предупреди дека Русија минатата година инвестирала толку многу пари во вооружување што сигурно не се подготвува за мирна иднина.
„Напротив. Затоа, заедно со нашите сојузници, мора да бидеме толку силни за да можеме да ја одвратиме Русија или кој било друг потенцијален агресор од неговите намери“, рече Павел синоќа во своето обраќање на церемонијата по повод 107-годишнината од основањето на Чехословачка.
Чешкиот претседател предупреди дека ако Чесите ја потценат одбраната, лесно ќе изгубат сè што инвестираат во училишта, болници, домување и енергија, а тоа можат да го видат секој ден следејќи ги вестите од Украина.
„Ако некој тврди дека ништо не нè загрозува, дека не треба да ја зајакнуваме безбедноста и одбраната, информациите за граѓаните, дека не треба да се браниме од хибридни напади или манипулирана содржина на социјалните мрежи – намерно лажат. И ако сега се лажеме себеси, ќе платиме висока цена во иднина“, рече Павел.
ИЗДВОЕНИ
Осумдесет и една година „Нова Македонија“ – од Горно Врановци до денес, симбол на посветеноста кон вистината и јавната реч
Одреден е притвор за двајца раководители од „Комунална хигиена“ поради сомненија за загрозување на животната средина
НИСКИОТ ОДЅИВ ВО ПРВИОТ ИЗБОРЕН КРУГ ДОНЕСЕ И ПРЕДУПРЕДУВАЊЕ: Жолт картон од гласачите за политичарите, што со цензусот?
Скопската депонија ги загади почвата, воздухот и водата, ќе одговара ли конечно некој?
