Русија наводно претрпела неуспех за време на тестирање на интерконтинентална балистичка ракета (ICBM) откако ракетата, испалена од полигонот Јасни во Оренбуршката област, експлодирала неколку секунди по полетувањето.
Пробниот полигон Јасни, кој служи и како вселенски центар и база за Руските стратешки ракетни сили, е една од ретките локации во Русија каде што можат да се лансираат ICBM ракети способни да носат нуклеарни боеви глави, пишува блогот за одбрана. Снимките објавени од жителите на областа покажуваат виолетов токсичен облак што го оставила експлозијата.
Експертите предупредуваат дека таквата боја на чад укажува на употреба на високо токсични ракетни горива – азотен тетроксид и хептил – кои се користат во постарите советски ракети како што се Р-36М2 Воевода и во поновиот систем РС-28 Сармат. Доколку се потврди дека станува збор за Сармат, ова би бил само трет или четврти познат обид за тестирање на системот, со само еден делумно успешен лет регистриран досега.
Чадот се издига високо
Руското Министерство за одбрана сè уште не го коментираше инцидентот, иако експлозијата и чадот се јасно видливи во регионот. Експертите предупредуваат дека хептилот е исклучително опасен за здравјето и животната средина и може да го контаминира подрачјето долго време.
Неуспехот на „Јасни“ се случи само неколку дена по уште еден голем инцидент на космодромот Бајконур, кога се урна сервисна платформа. Тој инцидент сериозно ја оштети инфраструктурата за полнење гориво и пристап на ракетата „Сојуз“, со што се запреа сите планирани лансирања со екипаж.
A Russian Intercontinental Ballistic Missile (ICBM), possibly a UR-100N/RS-18A, suffered a catastrophic failure during launch earlier today from the Yasny Missile Range near Orenburg in Southern Russia. Only seconds after launch, the missile appeared to entirely flip upside-down… pic.twitter.com/kcYqBql65P
— OSINTdefender (@sentdefender) November 28, 2025
