„Русија сè уште не е подготвена јавно да зборува за планот на Трамп за Украина“

Москва не е подготвена јавно да зборува за планот на администрацијата на американскиот претседател Доналд Трамп за прекин на војната во Украина, изјави денес рускиот заменик-министер за надворешни работи Сергеј Рјабков.

Тој оцени дека односите меѓу Русија и САД се уште се во рана фаза на нормализација и дека „целокупниот успех на процесот не е загарантиран“, објави агенцијата ТАСС.

Рјабков рече дека новите американски санкции воведени минатиот месец против Лукоил и Роснефт претставуваат негативни потези и нагласи дека Русија е во тесен дијалог со Кина за напорите за прекин на конфликтот.