Русија подготвува нова специјална воена операција

„Русија започнува нова специјална операција. Ќе биде многу кратка“ – е насловот на статијата што, пишува Украинска правда, беше објавена и по неколку часа беше повлечена од РИА Новости, руски медиум поврзан со Кремљ.

Автор на текстот беше Александар Носович, член на невладината организација Совет за надворешна и одбранбена политика и главен уредник на прорускиот портал RuBaltic.Ru со седиште во Калининград. Во 2020 година, истражувачкиот проект „Досие“ на Центарот го поврза со мрежа на влијание контролирана од Москва и руската служба за надворешно разузнавање.

Во секој случај, во текстот, за кој РИА Новости напиша дека „не ги одразува ставовите на редакцијата, нејзината уредничка политика или државната политика на Руската Федерација“, Носович напиша за Литванија, која во последните месеци работи на укинување на уставната забрана за нуклеарно оружје на нејзина територија.

Поради оваа причина, тој ја нарече „самоубиствена земја, целосно лишена од разум“ и „мал, но горд камиказе во соседството на Русија“. Но, покрај навредите, тој ѝ се закани на балтичката земја со војна и нуклеарен напад, велејќи дека Русија се соочува со уште една специјална операција, како што Москва ја нарекува војната во Украина.

„Решението не е само брзо, туку молскавично брзо“, напиша Носович, кого РИА го цитираше како независен експерт.