Високата претставничка на Европската Унија за надворешни работи, Каја Калас, денес изјави дека фактот што руската делегација на мировните преговори во Абу Даби е составена од воен персонал, кој според неа нема овластување да се согласи за ништо, значи дека Русија „дефинитивно не е сериозна“ во врска со постигнувањето мир.
„Тоа е токму спротивното. Тие ги бомбардираат Украинците, се обидуваат да ги натераат да се предадат со бомбардирање и замрзнување, и затоа разговараме и за енергетската поддршка што можеме да им ја обезбедиме, бидејќи е многу тешка зима и Украинците навистина страдаат. Таму се подготвува хуманитарна катастрофа“, рече Калас пред седницата на Советот за надворешни работи на Европската Унија.
Преговорите меѓу американската, руската и украинската делегација за постигнување мир во Украина се одржаа во Абу Даби минатиот викенд, кои беа затворени за медиумите, а нивното продолжување беше најавено од неколку извори во текот на оваа недела.
ИЗДВОЕНИ
Гаши: За укинувањето на техничката влада не може да се збори инаетчиски, мислам на сите
Лажни поштари им ги празнат картичките на граѓаните!
„Ако не ги зголемите нашите доаѓаме по вашите плати“, порача претседателот на ССМ Слободан Трендафилов од протестот
Македонците сакаат во ЕУ, но без Бугари во Уставот
