Кремљ денес ја поздрави веста за прекин на огнот меѓу Иран и САД и изрази надеж за продолжување на трилатералните разговори за Украина, со Вашингтон и Киев.
„По вчерашните прилично остри изјави од различни страни, кои предизвикаа големи емоции низ целиот свет, ние природно ја поздравуваме веста за прекинот на огнот и ја поздравуваме одлуката да не се ескалира ситуацијата дополнително“, изјави портпаролот на Кремљ, Дмитриј Песков, на прес-конференција.
Тој изрази надеж дека во наредните денови ќе има директен контакт меѓу иранската и американската делегација, што ќе овозможи продолжување на мирните разговори.
„Секоја страна ќе може да ги брани своите интереси, не преку вооружена интервенција, туку околу преговарачката маса“, додаде Песков.
Портпаролот на Кремљ изјави дека Русија се надева дека во блиска иднина „американските претставници ќе имаат повеќе време и повеќе можности за средби во трилатерален формат“ за Украина.
„Тоа е она што го очекуваме“, додаде Песков.
Американскиот претседател Доналд Трамп доцна синоќа го прифати предлогот на Пакистан за двонеделен прекин на огнот, во текот на кој треба да започнат преговори и целосно да се отвори Ормутскиот теснец, пренесе „Бета“.
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
