Русија инсистира на ослободување на венецуелскиот претседател Николас Мадуро, кој беше заробен и префрлен од Венецуела во САД, изјави за руските медиуми заменик-министерот за надворешни работи Сергеј Рјабков.
„Првиот чекор, без кој сè друго останува чисто хипотетички, е ослободувањето на Мадуро и неговата сопруга“, рече заменик-министерот, одговарајќи на прашањето дали Русија би била подготвена да му обезбеди засолниште на Мадуро доколку биде ослободен.
„Но, бидејќи ова (заробувањето на претседателот на суверена држава) веќе се случи, потребно е да се инсистира на ослободување на претседателот на Венецуела“, нагласи Рјабков.
Тој додаде дека посебно прашање е каков ќе биде идниот план на Русија.
„И едноставно нема причина да се зборува за тоа сега“, додаде Рјабков.
Во сабота, 3 јануари, околу 2 часот по локално време, САД го уапсија венецуелскиот претседател Николас Мадуро и неговата сопруга Силија Флорес во воена операција во Каракас, пренесува „Спутник“. Тие беа однесени во Њујорк, каде што ќе им се суди по „обвинение за трговија со дрога“.
ИЗДВОЕНИ
Последна шанса за Охрид – на 1 февруари отчет пред УНЕСКО
ТВ24 дојде до извештајот на СДСМ: Виновници за поразот се политичката состојба во државата и притисоците на власта
Анализа по отчетниот конгрес на СДСМ: „Армија на вредности“ или партија во распад?
Превозниците од Македонија и од регионот утре напладне ќе ги блокираат граничните премини поради Шенген-правилата
