Руските власти бараат човек за кој тврдат дека е украински шпион и организатор на една од најсмелите воени акции во поновата историја. Според британскиот „Дејли меил“, а како што објави „Вечерњи лист“, станува збор за Артем Тимофеев, за кого се верува дека стои зад тајната операција на украинската служба за безбедност (СБУ) наречена „Пајажина“.
Операцијата, која се случи минатиот викенд, беше спроведена со цел да се нападнат руски воени бази во кои се сместени стратешки бомбардери. Украина тврди дека оваа акција уништила 34% од руската флота тешки бомбардери, предизвикувајќи штета од над 7 милијарди долари.
За да се спроведе оваа операција, украинските беспилотни летала беа прокриумчарени длабоко во Русија, каде што беа скриени во комерцијални возила, а потоа лансирани од периметарот на воените бази.
Photos of the main suspect in the drone attacks on Russian airbases have been published.
Russian security forces are searching for 37-year-old Artem Timofeev, who owns the trucks from which the drones took off.
According to Russian publics, Timofeev was born in Zhitomir, then… pic.twitter.com/zIod3dRrwD
— East_Calling (@East_Calling) June 2, 2025
Клучната точка на операцијата наводно бил градот Чељабинск, каде што биле склопени и подготвени беспилотните летала за нападот.
Според руски извори, Тимофеев, роден во Житомир, живеел во Киев, а пред неколку години се преселил во Чељабинск и работел како „претприемач“. Руското Министерство за внатрешни работи издаде налог за негово апсење, именувајќи го како главен организатор.
Во нападот беа користени 117 дронови, секој имал свој пилот. Нападите беа насочени кон повеќе руски бази истовремено, а во некои случаи до 30 дронови беа насочени кон една локација. Руските воени блогери тврдат дека руската мобилна мрежа била користена за комуникација, користејќи домашни SIM картички и модеми.
Иако Москва е убедена дека операцијата била организирана одвнатре, СБУ тврди дека сите клучни актери „се во Украина веќе долго време“.
