Американскиот претседател Доналд Трамп не разбира зошто Украина и Русија не можат да постигнат договор за прекин на војната, изјави американскиот дипломат Марко Рубио како одговор на прашања од новинарите. Рубио објасни дека фрустрацијата на Трамп е од општа природа и се одразува во неговите претходни изјави, пишува „European Pravda.“.
Новинарите го прашаа Рубио зошто фрустрацијата на американскиот претседател се чини дека е подеднакво насочена и кон Володимир Зеленски и кон Владимир Путин, со оглед на тоа што Русија продолжува да напаѓа цивилна инфраструктура и цивили низ цела Украина.
„Тој едноставно не разбира како две земји, кои водат толку сурова, ужасна и крвава војна, не можат да се согласат да ја завршат. Тој сака таа да заврши и направи многу во врска со тоа. Вложи многу политички капитал во тоа“, одговори Рубио.
Рубио додаде дека најлесниот пат за Трамп би бил едноставно да ги продолжи претходните политики што доведоа до долготрајниот конфликт, но наместо тоа, претседателот инвестираше значаен политички капитал во напорите за завршување на војната.
„Виткоф не знам колку пати, патуваше низ светот на свој трошок за да го заврши ова. Значи, многу луѓе вложија многу енергија во ова и мислам дека постигнавме напредок во дефинирањето на клучните точки. Но, за жал, некои од прашањата остануваат исклучително тешки“, рече Рубио.
ИЗДВОЕНИ
Африм Гаши: Крајно време е судството, обвинителството и секоја институција да работат совесно и професионално
Уставниот суд не поведе постапка за оспорените измени на пензискиот закон, надворешните пензионери оставајќи ги без покачување
Груби под стража, соседството со потсмев: „внимавајте, има обезбедување“!
„Пластика паѓаше врз нас, имаше врескање и силен мирис што тераше на спиење“
