На дополнителните локални избори во Хрватска, за член на Градскиот совет на Мурско Средишќе избран е кандидат од ромското национално малцинство. Од 270 Роми кои имале право на глас, на гласање излегле само четворица. Три гласачки ливчиња биле неважечки, а единственото важечко гласачко ливче било за избор на Милорад Михановиќ. Тоа ливче било неговото, зашто за него не гласала ни сопругата.
-Вистината е дека им реков на моите Роми да не гласаат на изборите во Мурско Средишќе од протест! Зошто? Затоа што бев ограбен на изборите за заменик-жупан на округот. Ниту Државната изборна комисија ниту Окружната изборна комисија не ми помогнаа, и беше очигледно дека станува збор за изборна измама, вели тој.
Додава дека сакал да покаже како со еден глас, глас на протест може да се влезе во Градскиот совет на градот Мурско Средишќе, појаснувајќи дека тој еден глас е неговиот.
-Исто така, ѝ реков на сопругата да не гласа, изјави Михановиќ за локалниот портал eMeđimurje.
ИЗДВОЕНИ
Мирослав Лабудовиќ, кандидат за градоначалник на Центар од ЗНАМ: Центар мора да биде општина на пешаци, велосипедисти и среден јавен превоз, а не центар на сообраќаен хаос!
Второ полувреме од изборната трка, комуниколозите и аналитичарите согласни: Предизборен ‘дежа ву’ – многу врева малку идеи
Афионот се враќа на нивите, може ли да предизвика ренесанса во македонскиот аграр?
Се уриваат рекорди на македонските патишта, 18.458 фатени без дозвола
