Ројтерс денеска ја објави содржината на документот за збир на предлози за тоа како да се стави крај на војната во Украина што украинските и европските функционери ѝ ги предадоа на американската страна во средата за време на разговорите во Лондон, како и документ за збир на предлози за ставање крај на војната во Украина што американскиот пратеник за Блискиот Исток Стив Виткоф им ги претстави на европските претставници за време на разговорите во Париз на 17 април.
Документот за збир на предлози поднесен до американската страна од украинските и европските претставници за време на разговорите во Лондон во средата, виден од Ројтерс, повикува на целосен и безусловен прекин на огнот во воздух, на копно и на море.
Двете страни веднаш започнуваат преговори за техничка имплементација со учество на САД и европските земји, паралелно со подготовката на агендата и модалитетите за целосен мировен договор.
