Бундеслигашот Хановер го расипа славјето во Автокоманда откако вечерва славеше и во реваншот против Алкалоид, со 29:28, во квалификациите за Европската лига на ЕХФ.
Германците уште минатата недела ги решија сите дилеми околу победникот со триумфот од 10 разлика (37-27), но скопскиот клуб се надеваше дека со победа против славен ривал ќе ги почести своите навивачи на денот кога го добија својот прв европски пехар. Малку недостасуваше да се случи тоа, но неколку почетнички грешки и промашени пенали не дозволија да се израдуваат ракометарите на Алкалоид.
Урош Борзаш беше најефикасен со осум гола, Тордарсон додаде седум, а Костески пет, но нашите ракометари погодија само еден од петте пенали колку што изведоа на овој меч. Фишер со осум гола го предводеше Хановер, но многу поголем придонес имаше голманот Брилем кој оствари дури 17 одбрани, вклучувајќи неколку зицери и одбранети пенали.
ИЗДВОЕНИ
Пожарот во „Винчини“ е под контрола, повредени се неколку пожарникари откако чизмите им останале во стопениот шеќер
Огромен пожар во фабриката „Макпрогрес“ во Виница, го гаснат пожарникари од повеќе градови/ВИДЕО
„НЕМА ПОГОЛЕМА ЖРТВА ОД ТОА ЧОВЕК ДА ЈА ПОЛОЖИ ДУШАТА СВОЈА ЗА ДОБРОТО НА БЛИЖНИОТ СВОЈ И ЗА СВОЈОТ РОД“
Тајните документи се обемни и сензитивни следи увид
