Ризична борба со работниците во Германија! Мерц: Не работат доволно и пречесто одат на боледување

Германскиот канцелар Фридрих Мерц влезе во политички конфликт со работната сила од околу 46 милиони луѓе, велејќи дека Германците не работат доволно и премногу често земаат боледување, што го забавува растот на економијата, пишува Политико.

Во својот говор пред претставниците на индустријата, Мерц истакна дека рамнотежата помеѓу деловниот и приватниот живот и четиридневната работна недела не се доволни за зачувување на благосостојбата на земјата. Тој, исто така, го критикуваше бројот на денови за боледување, речиси три недели годишно по вработен, и предложи укинување на законското право на работа со скратено работно време, освен од оправдани причини.

„Wir werden den Arbeitsmarkt wieder in Ordnung bringen. Fast 3 Millionen Arbeitslose, zugleich fast 700.000 offene Stellen im Durchschnitt des letzten Jahres, 5,6 Millionen Menschen im Bürgergeld, von denen 1,7 Millionen grundsätzlich arbeitsfähig sind – allein diese Zahlen… pic.twitter.com/viWRFs2ud7

— Friedrich Merz (@_FriedrichMerz) February 3, 2025

Неговите изјави предизвикаа негодување кај граѓаните, особено кај жените кои работат со скратено работно време за да се грижат за своите семејства, а фразата „животен стил на половина работно време“ стана предмет на потсмев на социјалните мрежи. Според анкетите, две третини од Германците се противат на предлозите на Мерц.

Канцеларот се потпира на Грција како земја-модел со шестдневна работна недела, но се соочува со отпор во рамките на коалицијата и со вистинскиот проблем со недостатокот на квалификувана работна сила. Стапката на невработеност неодамна достигна 3 милиони, што е највисоко ниво во последните 12 години.

Мерц истакна дека веќе се донесени мерки за помош на економијата, но дека тие не се доволни за зголемување на продуктивноста и конкурентноста на земјата.