Индустријата и производството се столбови на домашната економија и овој настан е одлична можност да размениме искуства, да ги презентираме успесите и развојот во компаниите, како и правецот во кои се движи развојот на стопанството, истакна Марјан Ристески заменик-министер за економија и труд, на конференцијата „Manufacturing 2025 – Од Преместување на Производство до Локално Напредно Производство“.
Конференцијата е во организација на Македонското здружение на металната и електроиндустрија – MAMEI и се организира во рамки на Меѓународниот саем за енергетика и технологија – „ЕНЕРГО ТЕХНОМА 2025“.
– Владата и Министерството за економија и труд се активен партнер на компаниите и преку бројни мерки го поттикнуваме нивниот економски раст и развој. Главни извори за финансиска поддршка на компаниите се обезбедените кредитни линии од унгарскиот кредит, предвидените средства од програмите на Министерството, како и финансиските средства кои им се достапни на компаниите согласно со Законот за финансиска поддршка на инвестициите, истакна Ристески.
ИЗДВОЕНИ
ЧЕТИРИ ДЕНА ПРЕД ГЛАСАЊЕТО ВО ВТОРИОТ КРУГ НА ЛОКАЛНИТЕ ИЗБОРИ КОМБИНАТОРИКИТЕ ВО ПОЛН ЕК: Партиски мобилизации – решавачката битка за секој глас на 33 фронта!
Како да ги задржиме туристите од Србија, Албанија, Грција… кои доаѓаат да полнат бензин или во казина
Има ли пилот во авионот на Комуналец ?
Се спрема еврообврзница – ќе се троши ли домаќински или за луксузирање?
