Во Даут-пашиниот амам, на 21 мај (20:00 ч.) ќе биде отворена ретроспективна изложба на Анета Светиева (1944). Проектот ја следи монографијата за Светиева издадена во 2023 година, со што се заокружува долгогодишното следење и истражување на богатиот творечки опус на еден од најзначајните македонски скулптори.
Сложеното, комплексно, иновативно и креативното творештво на Светиева го поставува нејзиното дело на самиот врв не само на македонската ликовна сцена туку и на една поширока платформа, која ги преминува границите на регионот.
Во сликањето на животот, на човековите траги во времето и во просторот, ја покажа својата голема дарба: од елементарните животни ситуации врзани за обичаите, навиките, сеќавањата… создаде импозантно уметничко дело, чие кажување ве принудува да го слушнете ехото на враќањето кон волшебните светови, кон темелните вредности и пред нас се појавува едно големо, заокружено и целовито дело, комплетен уметнички одраз на времето.
ИЗДВОЕНИ
Македонските инженери (ИРМ) бараат појаснување од ЕВН за начинот на пресметка на струјата
Голема полициска акција, се претресуваат пет локации во Скопје
Продолжува судењето за убиството на Вања и Панче со дополнение на доказната постапка
Печатот во пасош оди во историјата, во Шенген зоната ќе се влегува со фотографирање и отпечатоци од прсти
