На забава што се одржа во вторникот во Вашингтон, на група републикански пратеници им беше послужена торта во облик на Гренланд, покриена со американско знаме.
Десертот, очигледна алузија на обидите на американскиот претседател Доналд Трамп да ја преземе арктичката територија, беше послужен во Центарот Кенеди на настан организиран од групата „Републиканците за национална обнова“.
Во видео од настанот, може да се слушне како домаќинот им вика на гостите: „Дојдете овде, сликајте се и исечете ја тортата“. Тој ја опишува тортата како „51-ва држава“.
Претставничката ја означи данската премиерка на мрежата „X“
Додека гостите се собраа околу тортата украсена со американското знаме, едно лице извика: „Ова ќе биде меѓународен инцидент“.
Претставничката Ана Паулина Луна од Флорида потоа го исече првото парче од тортата, покажа видеото. Републиканските претставници Абе Хамадех од Аризона и Енди Оглс од Тенеси исто така беа на настанот. Во еден момент од вечерта, Оглс доби награда за амандман што го предложи, со кој ќе му се овозможи на 79-годишниот Трамп да се кандидира за трет мандат.
Луна, која претходно ја поддржуваше воената операција на Трамп во Венецуела, подоцна објави фотографија од тортата на платформата X и го тагираше данскиот премиер, предизвикувајќи низа реакции на социјалните мрежи.
Трамп ја омекна реториката
Забавата, организирана по повод првата годишнина од мандатот на Трамп, се одржа само неколку часа пред претседателот да го омекне својот став за Гренланд. Во вчерашниот говор во Давос, Трамп рече дека нема да го анектира островот со воена сила. Белата куќа претходно не ја исклучи употребата на сила.
„Не сакам да употребам сила. Нема да употребам сила. Сè што САД бараат е место наречено Гренланд. Само САД можат да ја заштитат таа огромна маса земја и мраз, да ја развијат и да ја направат безбедна за Европа и добра за нас“, рече Трамп.
Тој повика на „итни преговори“ за купување на Гренланд. Службениците на Данска и Гренланд повторно рекоа дека островот не е на продажба. Трамп подоцна се откажа од плановите за воведување царини на осум европски земји кои се спротивставија на неговите амбиции за Гренланд.
Во објава на Truth Social, тој рече дека претставниците на САД и НАТО во Давос „ја поставија рамката за иден договор за Гренланд и целиот арктички регион“.
HOLY SH*T Members of Congress cut a Greenland cake that has the America Flag on it. LET’S GO 🔥
— MAGA Voice (@MAGAVoice) January 21, 2026
ИЗДВОЕНИ
НАЈГОЛЕМАТА ОПОЗИЦИСКА ПАРТИЈА НА КРСТОПАТ: Нова партија, фракција или стивнување на расколот – носи ли расплет конгресот на СДСМ?!
Македонските филмови тешко стигнуваат до домашната публика; Се изгуби и кинокултурата!
Граѓаните ќе плаќаат и до 2.000 евра повеќе за стари автомобили
Македонија не доби покана од Трамп, Бугарија и Косово меѓу основачите на „Одборот за мир“
