По 40 години, Oпштина Бутел ја реконструира улицата „Борко Кралевски“, во должина од 568 метри. Со тоа, како што истакна градоначалникот Дарко Костовски, е исполнето децениското барање на граѓаните.
Покрај тоа, локалната самоуправа целосно ги реконструираше улиците: „Симче Настевски”, „Киро Димушков” и „Скоевска”. Ова се практично главните сообраќајници во населба Радишани.
– Реализацијата на овие проекти во Радишани претставува исполнување на предизборните ветувања на градоначалникот и уште еден чекор кон обнова и кон подобрување на патната инфраструктура на општина Бутел – наведуваат од локалната самоуправа.
