Заврши реконструкцијата на улицата „21“ во населеното место Расадник, на територијата на Општина Бутел.
Од Општината информираат дека улицата е во должина од 450 метри и дека локалната самоуправа обезбедила дополнителни паркинг-места и го исполнила барањето на жителите.
Оттаму додаваат дека наскоро ќе започне реконструкцијата на улиците: „Бутелска 2“, „Ангел Мојсовски“, „Александар Грличков“ и „Љубинка Басотова“.
– Локалната самоуправа реализира проекти за подобрување на патната инфраструктура во сите населени места во Општината и обезбедува пристојни услови за живот на сите граѓани – соопштија од Општина Бутел.
