Разорна бура опустоши дел од Европа: Има загинати, половина милион домаќинства останаа без струја

Две лица загинаа, а снабдувањето со електрична енергија е делумно прекинато во Балтикот откако силни бури и дождови го погодија регионот.

Службите за итни случаи извлекоа тело на маж од под паднато дрво во литванското село Мазионис, додека друг маж почина од паѓање на делови од зграда во латвискиот град Јелгави. Неколку лица се хоспитализирани и со повреди.

Повеќе од 250.000 домаќинства беа привремено без електрична енергија во Литванија, соопшти националниот оператор, а сличен број е погоден и во соседна Латвија.

Aizvadītās vētras laikā Rīgā nolauzts simtiem koku, sabojāti žogi, automašīnas, luksofori, sabiedriskā transporta kontakttīkli, applūduši pagrabi, pagalmi un ielas, aģentūru LETA informēja galvaspilsētas pašvaldībā https://t.co/jhZCdNVZnQ pic.twitter.com/iiDAEaIZE1

— LETA Ziņas (@letanewslv) August 23, 2026

Регионот на Балтичкото Море беше особено тешко погоден од прекини предизвикани главно од паѓање дрвја врз далноводи, според операторот.

„Ова е дефинитивно најлошата бура што ја видовме ова лето“, изјави метеоролог од Литванската метеоролошка служба за националното радио.

Sestdienas vakarā un naktī uz svētdienu Latviju plosīja ļoti stipra vētra jeb auka, Rīgā pie Daugavgrīvas vēja brāzmām sasniedzot ātrumu 31 metrs sekundē un atstājot bez elektrības ceturtdaļmiljonu mājsaimniecību pic.twitter.com/psF53ZBe4t

— LETA Ziņas (@letanewslv) August 23, 2026

Во Латвија, новинската агенција Лета, повикувајќи се на метеоролошки податоци, ја опиша бурата како „најразорна што ја погодила земјата од 2005 година“.

Бурите, кои достигнаа брзина на ветерот до 30 метри во секунда, започнаа во регионот во саботата, а дожд и ветер се очекуваат и во недела.

Властите во двете земји претходно издадоа предупредувања за бура.

Обилните дождови предизвикаа и поплави во неколку региони, нарушувајќи го патниот, железничкиот, воздушниот и бродскиот сообраќај.