Белата куќа потврди дека претседателот на САД, Доналд Трамп, моментално разговара со рускиот претседател Владимир Путин за мирот во Украина.
Белата куќа пред средбата соопшти дека Трамп станал „фрустриран“ од Путин и Володимир Зеленски.
„Темите на разговорот ќе бидат запирање на „крвопролевањето“, во кое во просек се убиваат повеќе од 5.000 руски и украински војници неделно, и трговијата“, напиша Трамп на својата веб-страница Truth Social.
„Се надевам дека ќе биде продуктивен ден, дека ќе се постигне прекин на огнот и дека оваа многу насилна војна, војна што никогаш не требаше да се случи, ќе заврши“, рече Трамп, објави „Скај њуз“.
Руската државна телевизија известува дека Владимир Путин има телефонски разговор со Доналд Трамп од музичкото училиште во јужноруското одморалиште Сочи.
Путин денес престојува во образовниот центар таму. Во моментов, двете главни телевизиски мрежи во Русија го дискутираат разговорот меѓу Путин и Трамп во нивните вечерни политички емисии.
