Стапката на невработеност во Германија во декември изнесуваше 6,2 проценти, а бројот на невработени се зголеми за 3.000 во споредба со октомври и изнесуваше 2,908 милиони, покажуваат податоците на Федералната агенција за вработување (BA).
На годишно ниво, бројот на невработени лица во Германија се зголеми за 101.000 во споредба со декември 2024 година, а стапката на невработеност е за 0,2 проценти повисока отколку во декември 2024 година.
На прес-конференцијата одржана денес во Нирнберг, директорката на BA, Андреа Налес, изјави дека на германскиот пазар на трудот му недостасува економски моментум и дека очекува трендот на слаби резултати да продолжи, според извештајот на Германската федерална агенција за труд.
Нивните податоци покажуваат дека во декември во Германија се регистрирани 619.000 работни места, што е за 35.000 помалку отколку во истиот месец во 2024 година.
Во декемврискиот извештај, исто така, се истакнува дека 1.033.000 луѓе во Германија примаат надоместоци за невработеност, што значи дека има 102.000 повеќе отколку претходната година.
Како и во претходниот месец, приближно седум проценти од населението на работоспособна возраст во Германија останува зависно од социјална помош, се забележува во извештајот.
ИЗДВОЕНИ
Жељко Обрадовиќ е пред потпис, ќе тренира македонски репрезентативец?!
ПРЕМИЕРОТ НАЈАВИ ЛИДЕРСКА СРЕДБА, НО ПРАШАЊЕ Е ДАЛИ И СО КОГО ЌЕ СЕ ОДРЖИ: „Пржинската влада“ никој не ја сака, но секој ја користи за избори
Македонија се вози на отпад: автомобилите стареат, загадувањето расте
Грипот ги „коси“децата, пикот се очекува со стартот на второто полугодие
