Два американски бомбардери Б-52 Стратофортрес денеска летаа во близина на Венецуела, додека тензиите меѓу Вашингтон и Каракас продолжуваат да растат.
Бомбардерите беа видливи на Flight Radar, место за следење на воздушниот сообраќај.
Според UK Defence Journal, тие претходно беа видени како кружат околу Венецуела неколку пати пред накратко да исчезнат од цивилниот радар, а потоа повторно да се појават и да продолжат кон југ.
Бомбардерите летаа во близина на Ла Орчила и Гран Роке, два венецуелски острови со воена инфраструктура.
Профилот на летот е во согласност со долготрајните обуки и патроли за одвраќање што Б-52 редовно ги спроведуваат од воздухопловната база Барксдејл низ Карибите, според UK Defense Journal.
Овие мисии често тестираат издржливост, навигација и заедничка координација со регионалните партнери и се спроведуваат во рамките на меѓународниот воздушен простор. Сепак, близината на оваа специфична патрола до венецуелската територија и нејзината видливост на отворените платформи за надзор укажуваат на намерна сигнална вежба насочена кон зајакнување на досегот и подготвеноста на САД во регионот.
