Првата дама на САД Меланија Трамп, сопруга на претседателот Доналд Трамп, ги откри овогодишните божиќни декорации за Белата куќа. Во објава на X денеска таа ја откри темата на сезоната: „Домот е таму каде што е срцето“.
„Овој Божиќ, да ја прославиме љубовта што ја носиме во нас и да ја споделиме со светот околу нас. На крајот на краиштата, каде и да сме, можеме да создадеме дом исполнет со бескрајни можности“, напиша првата дама.
Празничните декорации за 2025 година беа поставени за време на реновирањето на резиденцијата на претседателот и првата дама, што вклучува рушење на поранешното источно крило на Белата куќа и изградба на нова балска сала вредна околу 200 милиони долари.
🎄The White House is officially decorated for Christmas — with every detail personally chosen by First Lady
Melania Trump decorated the residence for the fifth time , selecting each element herself✨
The decorations include:
– 25,000 feet of ribbon 🎀
– more than 2,000… pic.twitter.com/NnjIhSyIUj— NEXTA (@nexta_tv) December 1, 2025
Овогодишните декорации следат црвена, бела и сина тема. Во Црвената соба на Белата куќа, сини пеперутки ја красат елката заедно со бели ленти на кои пишува „Негување на иднината“ и бели украси на кои пишува „Биди најдобар“, кампањата за подигање на јавната свест на првата дама, објавува ABC News.
Каминот во Црвената соба е посветен на заедницата за згрижување деца, што е една од главните теми на првата дама, според соопштението на Белата куќа.
Во Источната соба, декорациите ја слават 250-годишнината од Соединетите Американски Држави.
Меѓу декорациите е и медената куќаза 2025 година, тешка 55 килограми, која е изложена во државната трпезарија на Белата куќа.
Меланија Трамп ја декорираше резиденцијата по петти пат, лично избирајќи секој детал, а декорациите вклучуваат: 25.000 стапки лента, повеќе од 2.000 светлечки жици, повеќе од 55 човечиња од меденки, повеќе од 2.800 златни ѕвезди, повеќе од 10.000 сини пеперутки и повеќе од 700 стапки венец, пишува NEXTA.
