Општина Кисела Вода првпат досега ќе добие плоштад. Неговата локација е во срцето на населбата Расадник и, како што вели градоначалникот на Општина Кисела Вода, Орце Ѓорѓиевски, тој ќе ја разубави Општината и ќе внесе свежа енергија во секојдневието.
Местото веќе се обликува. Плоштадот ќе биде на површина од 4.000 квадратни метри, а просторот околу ќе биде уреден со парковско зеленило. Ќе има и современо детско игралиште, фонтана, урбана опрема и современо осветлување.
– Со новиот плоштад, жителите на Расадник и пошироко добиваат ново катче за дружење, рекреација и за одмор, во непосредна близина на спортската сала „Расадник“, која, исто така, се реновира од темел. Ова е уште еден чекор повеќе кон поквалитетно секојдневие, повеќе простор за семејни активности и подобрен урбан изглед на нашата населба – истакна Ѓорѓиевски.
Средствата за овој значаен проект се обезбедени преку повикот за капитални инвестиции од Владата.
ИЗДВОЕНИ
Тетовскиот грав се продава за 500 денари за килограм, ќе правиме гравче тавче со египетски
Брзите пруги од Табановце и од Солун ќе се спојат кај Гевгелија до 2032 година
НЕПРОМЕНЕТИОТ ИЗБОРЕН ЗАКОНИК НАПРАВИ ПРОБЛЕМ: ЗНАМ и Левица без право да водат кампања преку медиумите
Ќе добие ли Македонија црвени линии кои нема да се газат?!
