Ракометарите денеска го играат клучниот меч за пласман во наредната фаза на ЕП

Македонската ракометна репрезентација денеска го игра најважниот меч за пласман во наредната фаза на Евроспкото првенствто. Спроти нашата селекција ќе биде еден исклучително тежок противник – Португалија.

Средбата ќе се одигра во Хернинг од 18 часот, а веднаш по нашиот дуел на сцена стапуваа домаќините, Данска, кои за противник ја имаат репрезентацијата на Романија. Данците се големи фаворити и прашање е само како и колку Романија ќе може да се одбрани од најсилниот напад на ова ЕП.

Само првите две селекции од секоја група ќе обезбедат пласман во наредната фаза, а со оглед на тоа дека Данска е фаворит во групата, шансата ќе ја бараме токму против Португалија.