Ракета лансирана од Јемен кон Израел падна денеска во близина на аеродромот Бен Гурион, главниот меѓународен аеродром во земјата, пренесува Хина.
Снимките споделени на социјалните мрежи од патничкиот терминал покажаа облак од чад. Израелската војска соопшти дека истражува соборување на ракетата лансирана од Јемен.
Footage filmed by a bystander showing the moment that a Houthi ballistic missile impacted earlier in Central Israel. pic.twitter.com/IkddtO1KVW
— OSINTdefender (@sentdefender) May 4, 2025
Репортер на „Ројтерс“ на аеродромот слушнал сирени и видел патници како трчаат кон засолништа.
Неколку луѓе на аеродромот објавија видеа од паметни телефони на кои се гледа облак од црн чад јасно видлив во близина, зад паркирани авиони и згради на аеродромот.
The explosion caused by the ballistic missile impact earlier in Central Israel, heard from Terminal 3 at Ben Gurion International Airport. pic.twitter.com/y14UOk30A4
— OSINTdefender (@sentdefender) May 4, 2025
Израелските служби за итни случаи соопштија дека нема извештаи за сериозни повреди. Маж и жена со полесни повреди се однесени во болница, а две лица се згрижени на местото на настанот поради паника.
Управата на аеродромот објави дека ракетата паднала во близина на паркингот на терминалот.
Јеменските бунтовници Хути испукаа ракети кон Израел во знак на солидарност со Палестинците во Газа.
