Македонската Влада преку Оперативниот план за вработување планира работно да ангажира околу 16 илјади млади лица. Заменик-министерот за економија и труд, Марјан Ристески, вели дека за оваа намена се определени 40 милиони евра, што е за 7 милиони евра повеќе од претходниот оперативен план.
– Ова е најголемиот Оперативен план за вработување. За него се предвидени околу 40 милиони евра, или тоа се 7 милиони евра повеќе од претходниот оперативен план – рече Ристески.
Тој укажа дека целта на планот е да се задржат младите во Македонија.
– Оперативниот план се однесува на млади до 29 години. Многумина млади заминаа и ние на овој начин сакаме да ги задржиме во државата. Оперативниот план опфаќа околу 16 илјади лица, претежно млади – вели Ристески.
Со Оперативниот план се предвидени 9 мерки, од кои акцент се става на две од нив.
– Има две главни мерки, самовработување и другата е вработување во постојните јавни претпријатија – вели Ристески.
ИЗДВОЕНИ
Научниците шокирани: Река постара од диносаурусите тече низ овој континент
ИНТЕРВЈУ, Бланка Перез Саукило, советничка за туризам на Шпанија: Охрид, природата и автентичноста – најсилни туристички адути на Македонија
Д-Р САШКО ОЛУМЧЕВ: Бројот на грипозни расте, препорачувам одлагање на второто полугодие
ПРОФ. Д-Р МАРКО КИТЕВСКИ: Водата што живот значи
