Работник смртно настрада изутринава при изведување градежни работи на деловен простор во изградба на улицата „7-ми Ноември“ во Охрид.
Станува збор за лицето педесет и осумгодишниот Ѓ.Д., од Охрид, кој при работа паднал од висина, по што бил пренесен со тешки телесни повреди во Специјалната болница за ортопедија и трауматологија „Св. Еразмо“, каде им подлегнал на повредите.
Информацијата за несреќата ја потврдија од СВР – Охрид. Причините и околностите за несреќата ќе бидат утврдени со истрагата и увидот на лице место што е во тек.
