Припадници на Одделот за државна безбедност на Полициската управа во Дрезден започнаа истрага за 46-годишен Германец, кој пред неколку дена нападнал градежни работници од Босна и Херцеговина, извикувајќи забранети нацистички слогани, објавува „Кликс“.
Според германските медиуми, тој дошол на градилиште на Лешнерштрасе во Мајсен и почнал да ги навредува работниците од БиХ. Во тој момент, на градилиштето имало шестмина работници, а Германецот извикувал нацистички слогани и покажувал забранети симболи.
Во еден момент, избувнал вербален конфликт, по што Германецот го удрил работникот од БиХ во градите, нанесувајќи му полесни повреди.
Набрзо на местото на настанот пристигнала полициска патрола, која спречила понатамошна ескалација. Против напаѓачите ќе бидат поднесени обвиненија откако ќе заврши истрагата, пишува „Независне“.
ИЗДВОЕНИ
Жртвите добиваат надеж за правда, Сексуалното насилство на интернет станува кривично дело: Нов закон за новото време – онлајн предаторите ќе заглават и до 10 години во затвор
ЖИВОТНИ ПАТОКАЗИ, ЗОРАН КРСТЕВСКИ: ШТО Е ПОТРЕБНО ЗА СРЕЌА?
Странските работници и самците ги качија кириите на становите во Скопје
Без јасни правила, но со јасни намери – независните влегуваат во изборната арена
