Во својот говор на заедничката прес-конференција, Путин рече дека постигнатиот договор со Трамп ќе го отвори патот за мир во Украина, чија инвазија тој ја нареди пред три години.
„Како што реков, ситуацијата во Украина е поврзана со фундаментални закани за нашата безбедност“, изјави тој.
Рускиот претседател додаде дека, за да се постигне траен договор, потребно е да се отстранат сите корени на конфликтот, односно фундаменталните причини за тој конфликт.
„Се согласувам со претседателот Трамп, како што рече и тој денес, дека, секако, треба да се обезбеди безбедноста на Украина. Секако, ние сме подготвени да работиме на тоа“, рече Путин.
Путин му се заблагодари на Трамп за денешната билатерална средба и рече дека Трамп бил во право кога рекол дека неговата војна со Украина немаше да започне ако тој беше претседател во 2022 година, кога започна војната.
Путин, исто така, рече дека Трамп ќе им помогне да го вратат деловниот живот на вистинскиот пат.
Русија и САД „треба да свртат нова страница“ и да се вратат на соработката, изјави рускиот претседател Владимир Путин по средбата со американскиот претседател Доналд Трамп.
„Многу е важно нашите земји да свртат нова страница и да се вратат на соработката“, рече Путин во говорот во Анкориџ, каде што не даде детали за тоа како да се стави крај на војната во Украина.
Тој рече дека е сигурен дека конфликтот немаше да се случи доколку Трамп беше во Белата куќа, нарекувајќи го својот однос со американскиот претседател бизнис-ориентиран и „полн со доверба“.
